Hapësire reklamuese

Aktualitet

Dalin PAMJET: Momenti kur shqiptari takon gruan para vrasjes, e qëllon 10 herë dhe e lë thikën të ngulur në trup

Shkruar nga Newsbomb
Dalin PAMJET: Momenti kur shqiptari takon gruan para vrasjes, e qëllon 10
Eduart dhe Enkelejda Danaj - Pamjet para krimit

“U zgjova në mëngjes dhe shkova te vendi sepse e dija që ajo do kalonte aty në orën 5.30 të mëngjesit. Kur e pashë, nxora thikën dhe fillova ta godas. Më pas u largova në këmbë dhe shkova në një hotel. U ula pak aty dhe më pas piva disa birra. derisa më në fund më arrestuan.”

Kjo është dëshmia e shqiptarit Eduart Danaj, pasi ka masakruar disa herë me thikë gruan e tij, Enkelejda Danaj. Hetuesit janë shokuar nga gjakftohtësia e tij dhe mënyra sesi ai ka vepruar gjatë dhe pas krimit makabër që tronditi Greqinë.

I papenduar për vrasjen e gruas me të cilën kishte dhe dy fëmijë, 50 vjeçari ka thënë se gjithçka e ka bërë nga xhelozia. Media greke Protothema.gr ka publikuar pamjet pak para vrasjes, ku 50 vjeçari duket i qetë teksa shkon në rrugën ku do të kalonte gruaja e tij.

Eduart Danaj afrohen në kryqëzim dhe kalon përpara lokalit ku punonte gruaja e tij, vazhdon për disa metra më sipër dhe kalon në anën e majtë të rrugës, më pas kthehet mbrapsht dhe shkon në anën e djathtë të saj aty ku ndeshet me Enkelejda Danaj.

Gruaja, e veshur me të bardha shihet duke u afruar në kryqëzim në anën e djathtë në drejtim të lokalit dhe sapo përballet me burrin, ndalon.

Këtu ka ndodhur dhe ngjarja makabre. 50 vjeçari afrohet dhe fillon ta godasë atë vazhdimisht me thikë, duke e goditur më shumë se 10 herë. Në fund ai e la thikën të ngulur në trupin e saj të pajetë derisa mbërriti policia.

Hetuesit kanë në dorë dhe pamjet të tjera, një prej të cilave ka rrjedhur në media dhe tregon se Eduart Danaj kishte konsumuar edhe disa birra të tjera përpara se të vriste gruan, sepse ai shfaqet më herë në një kamera tjetër me një qese me kanaçe. Ai vepron qetësisht dhe kujdeset që t'i hedh ato në kazanin e mbeturinave.

Sondazh

Poll

Lexo gjithashtu

Hapësire reklamuese