Automjeti që shihni në foto, është makina e aksidentuar në aksin rrugor Përrenjas-Librazhd pak pas mesnatës rreth orës 00:10 minuta të ditës së sotme.
Makina “Benz” drejtohej nga 34-vjeçari Zef Sinani ndërsa pasagjere ishte e fejuara e tij. Ky automjet është përplasur në një kthesë në Pishkash me një kamion me targa të Maqedonisë së Veriut, përplasje që rezultoi fatale për të fejuarën e tij, 20-vjeçarja e identifikuar si Megi Xhetani.
Zef Sinani është në gjendje të rëndë ndërsa tashmë është transportuar për në Spitalin e Traumës në Tiranë për mjekim të specializuar. Fillimisht ai është dërguar në spitalin e Librazhdit e më pas në atë të Elbasanit.
Shaku kryesor për shkaktimin e këtij aksidenti, dyshohet të ketë qenë lëvizja me shpejtësi tej normave të lejuara. Për të hedhur më shumë dritë mbi këtë ngjarje, pritet një reagim zyrtar nga Policia.
Sondazh
Lexo gjithashtu
