Reperi i njohur Cllevio, ka reaguar për ngjarjen e rëndë që përgjaku Athinën një natë më parë, ku i vrarë mbeti 32-vjeçari shqiptar Roan Brahimi. E plagosur mbeti edhe bashkëshortja e tij, e cila ndodhej në një makinë me të.
Teksa nxjerr edhe shumë foto të papublikuara më parë, Cllevio në vargje tregon miqësinë e ngushtë që kishte me Roanin, por thotë se nuk mund t’i shkojë dot në varrim. Sipas reperit, 32-vjeçari e priste atentatin, prandaj ishte larguar nga Shqipëria.
“S’doja ta besoja për vdekjen e Kingut. Fratelo pse ike, se vinim nga Marsi. Të humba ty, dorëzohem të zanaksi. Lotoj në heshtje, dhimbja do zgjasi. Çunat janë trishtu, s’dihet sa do vrasin. Ëndrrat e bukura nuk zgjasin me vite. Jetove Gango, 32 ditëlindje.
Të akuzojnë për vrasje apo grabitje. Intuitiv ishte, atentatin e prisje. Takim i fundit, kujtoj dhe përqafimin. Dubai Marina, te adresa ku rrinim. Trëndafia do të dërgoj, se nuk vij dot te varrimi. Love u Gango dhe ti e di kuptimin. Më mori malli, prezenca jote. E di që po buzëqesh nga terreni i asaj toke”, thotë Cllevio në vargjet e këngës.
@cllevio44masoni_ Vdiq Ganggo ????????????????
♬ original sound - Cllevio Masoni
Roan Brahimi ishte duke udhëtuar me një makinë luksoze Mercedes Benz A Class, nën shoqërinë e bashkëshortes së tij, Katerina Beqos, ku drejt tyre u qëllua me breshëri plumbash. Dy plumba kanë rezultuar fatale për Brahimin, një plumb që e kapi në kokë e një tjetër pak më poshtë.
32-vjeçari prej disa kohësh jetonte në Emiratet e Bashkuara dhe ishte kthyer në Greqi për të festuar Pashkët ortodokse me djalin e tij, 7-vjeçar dhe bashkëshorten. Autorët prej kohësh e ndiqnin Brahimin dhe kur janë informuar se ai ndodhej në Greqi kanë nisur planin për ta ekzekutuar.
Sipas medias greke autorët kanë pritur momentin e duhur për të vrarë 32-vjeçarin pasi nuk kanë dashur që të rrezikojnë djalin e tij. Sapo 7-vjeçari ka dalë nga makina dhe i është abshkuar fëmijëve në park për të luajtur, autorët kanë qëlluar me breshëri plumbash drejt makinës ku ndodhej viktima.
Siç shihet dhe në foton mëposhtme Roan Brahimi humbi jetën në automjetin e tij, ndërkohë partnerja fatmirësisht i shpëtoi plumbave. Si duket shënjestra e autorëve ka qenë e qartë.
Kush ishte Roan Brahimi?
Roan Brahimi është një emër i njohur për Policinë Shqiptare dhe dyshohet se është i përfshirë në disa ngjarje të rënda kriminale që kanë prekur njerëzit e afërt të biznesmenit të basteve Ervis Martinaj, i cili edhe vetë rezulton i zhdukur pa gjurmë.
Së pari, ai ka qenë i dyshuar për atentatin e ndodhur në mbikalimin e Milotit ku mbeti i vdekur kushëriri i parë i Ervis Martinaj, Brilant Martinaj dhe dy shokët e tij. Policia e Shtetit e kërkoi për ta marrë në pyetje, por ai rezultoi se nuk ndodhej në Shqipëri.
Po ashtu, ky 32 vjeçar është kërkuar të pyetet dhe për ngjarjen e rëndë të ndodhur në Milot pas kohë pas vrasjes së Brilant Martinaj. Krahu i djathtë i Ervis Martinaj u qëllua me breshëri arme pranë shtëpisë dhe për pasojë mbeti i plagosur rëndë, kurse shoku i tij Klisman Preçi ndërroi jetë.
Në të dy rastet, Roan Brahimi nuk u arrit të ndalohej dhe të pyetjet. Familja mohoi që ai të ishte i përfshirë në këto ngjarje sepse ndodhej jashtë shtetit.
Sondazh
Lexo gjithashtu
