Drejtoria e Policisë në Elbasan ka reaguar pas lajmeve të publikuara këtë të shtunë se në dalje të autostradës “Tiranë-Elbasan” është bllokuar lëvizja e mjeteve.
Përmes një reagimi zyrtar blutë e Elbasanit bëjnë me dije se nuk ka asnjë bllokim të qarkullimit, por ngadalësim të lëvizjes, për shkak të fluksit të lartë të mjeteve që udhëtojnë nga Tirana në drejtim të Elbasanit.
Shërbimet e Qarkullimit Rrugor ndodhen në terren dhe vijojnë intensivisht punën për menaxhimin e qarkullimit të automjeteve, sakaq i kanë bërë thirrje dhe drejtuesve të mjeteve që të tregojnë durim. të qëndrojnë në radhë dhe të mos kryejnë parakalime të gabuara, duke u kthyer në burim për përfshirje në ngjarje rrugore apo për bllokim të lëvizjes në të dy kahet e rrugës.
Reagim i Drejtorisë Vendore të Policisë Elbasan
Në lidhje me një lajm të publikuar në media, sipas të cili në dalje të autostradës "Tiranë-Elbasan", është bllokuar lëvizja, ju informojmë se:
Nuk ka bllokim të qarkullimit të automjeteve, por ka ngadalësim të lëvizjes, për shkak të fluksit të automjeteve që vijnë nga Tirana në drejtim të Elbasanit.
Shërbimet e Qarkullimit Rrugor ndodhen në terren dhe vijojnë intensivisht punën për menaxhimin e qarkullimit të automjeteve.
Drejtuesit e automjeteve të tregojnë durim, të qëndrojnë në radhë dhe të mos kryejnë parakalime të gabuara, duke u kthyer në burim për përfshirje në ngjarje rrugore apo për bllokim të lëvizjes në të dy kahet e rrugës.
Sondazh
Lexo gjithashtu
