Qindra e mijëra besimtarë ortodoksë të Korçës kanë kremtuar festën e pashkëve. Besimtarët u mblodhën në Katedralen “Ngjallja e Krishtit” për të marrë pjesë në meshën e shenjtë e cila u drejtua nga At Ilia Kotnani.
Besimtarët mbushën sheshin para Katedrales, ku nën tingujt e kambanave dhe ndezjen e qirinjve me dritën e shpresës ndriçuan qiellin. Korça, tashmë si çdo vit, ka krijuar një traditë të veçantë për festimin e kësaj dite, duke mbledhur kështu mijëra besimtarë jo vetëm korçarë por edhe nga qytetet e tjera të Shqipërisë.
Gjirokastra gjithashtu ka kremtuar Pashkët, ku besimtarët ortodoksë u mblodhën të Katedralja e “Ngjalljes së Krishtit”, duke uruar njëri-tjetrin "Krishti u Ngjall”. Besimtarët e shumtë morën pjesë në cerëmoni, të cilët ndezën qiririn në shenjë mbarësie për ringjalljen e një epoke të re.
Qindra besimtarë të krishterë në Lezhë kremtuan Pashkët në katedralen e “Shën Nikollit”. Mesha e shenjtë e cila u mbajt në katedralen e “Shën Nikollit” dhe u drejtua nga ipeshkvi i Dioqezës së Lezhës monsinjor Otavio Vitale, zgjati deri në mesnaten e së shtunës.
Ceremonia e Pashkës në Berat u kremtua në Katedralen “Shën Dhimitri” nga Imzot Asti, i shoqëruar nga At Johan Qako dhe At Petraq Simsia. Qindra besimtarë ortodoksë ndoqën ceremoninë e shenjtë brenda dhe jashrë katadrales.
Sondazh
Lexo gjithashtu
