Ambasadori italian në Tiranë në ikje Fabrizio Bucci është nderuar nga Bashkia Gjirokastër me titullin “Qytetar Nderi”. Ceremonia është mbajtur në ambientet e banesës Ismail Kadare ku pjesëmarrës ishin drejtues të lartë vendorë.
"Për kontributin e dhënë në forcimin e lidhjeve historike dhe të bashkëpunimit aktual mes Italisë dhe Gjirokastrës. Mirënjohje për vëmendjen dhe iniciativat e tij me ndikim në ngritjen në një nivel edhe më të lartë të marrëdhënieve, falë realizimit me sukses të programeve dhe projekteve në fushat e kulturës, turizmit, ekonomisë dhe edukimit", ka qenë motivacioni me të cilin është nderuar ambasadori italian.
Favrizio Bucci është shprehur mirëjohës për titullin e marrë nga qyteti i Gjirokastrës ndërsa shpreh dashamirësisnë e tij për vendin tonë. Ndër të tjera ai thotë se dhe pas përfundimit të mandatit 5 vjeçar si ambasador, ai do të rikthehet përsëri në Shqipëri, po këtë herë si një qytetar i thjeshtë.
“Jam ndier si në shtëpinë time në Gjirokastër, pas 5 vitesh mbarova mandatin tim dhe Shqipërinë do ta kem në zemrën time. Ka qenë një periudhë që ne kemi bërë shumë për marrëdheniet Itali-Shqipëri. Italianët janë grupi më i madh i turistëve që vijnë në Shqipëri dhe marrëdhëniet poltike midis Shqipërtisë dhe Italisë janë forcuar akoma edhe më shummë,” është shprehur Fabrizio Bucci.
Sondazh
Lexo gjithashtu
