Deborah Keçi ishte një nga të akuzuarat nga SPAK në kuadër të operacionit të zhvilluar për dosjen "5D". Drejtoresha e shumësportëshit të klubit të Tiranës është njohur me akuzën zyrtare të Prokurorisë së Posaçme, “Shkelja e barazisë së pjesëmarrësve në tendera apo ankande publike” si dhe është pezulluar nga puna si drejtuese në këtë institucion në varësi të Bashkisë.
Së fundmi, janë publikuar fakte nga dosja e hetimore e SPAK, ku ndër të tjera bien edhe në sy mesazhet e Keçit me Nestor Muhametllarin, i cilësuar si "truri" i "5D". Gjatë kohës që përgatiteshin procedurat për tenderin, Deborah i kishte urdhrat e qarta që paratë të kalonin te kompania në fjalë. Siç rezulton edhe në dosjen hetimore, Keçi i jep Muhametllarit gjithë dokumentacionin paraprak për organizimin e tenderit, madje i jep dhe akses në një nga panelet e Komisionit të Vlerësimit të Ofertave.
Deborah i kërkon Muhametllarit që dokumentet të shihen me kujdes, duke iu druar ndonjë hetimi të mundshëm nga organet e drejtësisë. "Vetëm aman shikojini tamam se mos hamë ndonjë burg". Keçi nuk e fsheh frikën për veprimet teksa komunikon në What's App me administratorin e kompanisë "5D", Nestor Muhametllari.
Sondazh
Lexo gjithashtu
