Një aksident i rëndë ka ndodhur këtë të diel ku një person ka humbur jetën në aksin Pogradec-Qafë Thanë, në afërsi të kryqëzimit të fshatit Mëmëlisht.
Burime për mediat bëjnë me dije se 55-vjeçari i identifikuar si Ilir Mimini ka ndërruar jetë pasi është përplasur nga një automjet.
Drejtuesi i mjetit është larguar nga vendi i ngjarjes, ndërkohë policia po këqyr kamerat e sigurisë së bizneseve përgjatë këtij aksi rrugor për të bërë të mundur identifikimin e tij.
“Pogradec/Informacion paraprak
Rreth orës 18:45, në aksin rrugor "Pogradec-Qafë Thanë", në fshatin Mëmëlisht, një automjet i paidentifikuar, ka përplasur këmbësorin, shtetasin I. M., 55 vjeç, banues në Mëmëlisht. 55-vjeçari si pasojë e përplasjes ka ndërruar jetë në vendin e ngjarjes.
Grupi hetimor nën drejtimin e Prokurorisë, po punon për identifikimin e automjetit dhe drejtuesit të tij, kapjen e vënien në pranga të autorit të aksidentit si dhe për përcaktimin e rrethanave dhe shkakut të aksidentit”, thuhet në njoftimin e Policisë.
Sondazh
Lexo gjithashtu
