Një aksident me vdekje është shënuar këtë të hënë në Laç. Sipas njoftimit të Policisë mësohet se rreth orës 12:20 një 24-vjeçar ka përplasur për vdekje 72-vjeçaren e cila ishte duke kaluar rrugën.
Si pasojë fatkeqësisht e moshuara me ininciale M.Gj, humbi jetën, ndërkohë i riu u shoqërua nga Policia në Komisariatin e Kurbinit për veprime të mëtejshme proceduriale.
Ndërkaq, grupi hetimor ndodhet në vendngjarje dhe po punon për zbardhjen e shkakut të aksidentit.
“Rreth orës 12:20, në Laç, automjeti me drejtues shtetasin S. K., 24 vjeç, ka përplasur këmbësoren, shtetasen M. Gj., 72 vjeçe, e cila si pasojë ka humbur jetën.
Policia ka shoqëruar në Komisariatin e Policisë Kurbin, 24-vjeçarin, për veprime të mëtejshme procedurale”, thuhet në njoftimin e Policisë së Kurbinit.
Sondazh
Lexo gjithashtu
