Një aksident i rëndë ka ndodhur në aksin rrugor “Qafë e Buallit-Vajkal”, ku një automjet u përplas me kolonën e mbikalimit që lidh Lagjen e Vjetër me Lagjen e Re të qytetit të Bulqizës.
Sipas informacioneve paraprake mësohet se si pasojë e këtij aksidenti ka mbetur i plagosur rëndë drejtuesi i automjetit tip “Benz”.
Kanë qenë shoferët e tjerë ata të cilët kanë lajmëruar menjëherë policinë dhe ambulancën. I plagosuri u dërgua me urgjencë në spitalin e Bulqizës, ku iu dha ndihma e parë. Ndëdrkohë, burime për mediat bëjnë me dije se ai është nisur me urgjencë drejt Spitalit të Traumës në kryeqytet pasi gjendja e tij shëndetësore është e rëndë.
Ende nuk dihen rrethanat si drejtuesi humbi kontrollin dhe u përplas me murin, ndërkohë që pritet hetimi nga grupi hetimor.
Sondazh
Lexo gjithashtu
