Hoxha i Xhamisë së Rrugës së Kavajës, Ahmed Kalaja ka publikuar në llogarinë e tij pamjet e një të riu që po grabit xhamitë e Tiranës. Siç shihet dhe nga pamjet e kamerave të sigurisë, i riu mban kapele dhe një maskë kirurgjikale në fytyrë.
Ahmed Kalaja ngre dyshime se hajduti mund të jetë minoren dhe mustaqet të jenë fallco, sepse ai qëllimisht e ul maskën përballë kameras. Megjithatë, nëse rasti do të hetohet nga Policia e Tiranës, mbetet për t’u parë se kush është ai dhe cilat xhami ka grabitur.
“Ky legeni ka vjedhur para pak ditësh edhe arkën e Xhamisë së Laprakës. Mundet të jetë ndonjë minoren me mustaqe fallco. Fakti që zbulon mustaqet para kamerave duket sikur e bën qëllimisht. Ose thjesht s’e duron dot maskën.
Duhet me e përhapur që ta kenë parasysh xhamitë e tjera. Te ne e ka kryer vjedhjen nga ora 9.30 e mëngjesit. Tamam në atë kohë që s’ka punë njeri në xhami”, shkruan hoxha Ahmed Kalaja, duke u bërë thirrje dhe drejtuesve të xhamive të tjera të bëjnë kujdes.
Sondazh
Lexo gjithashtu
