Krishtlindja dhe festa e ndërrimit të viteve janë në prag dhe bashkitë në çdo cep të Shqipërisë kanë nisur të zbukurojnë rrugët dhe qendrat e qyteteve. Newsbomb.al ka kryer një verifikim të thjesht në databazën e Agjencisë së Prokurimeve Publike, për çdo tender të hapur nga bashkitë.
Vendin e parë e mban Bashkia e Korçës, e drejtuar nga socialisti Sotiraq Filo, e cila ka vendosur të shpenzojë më shumë se 70 milionë lekë të vjetra, duke përfshirë dhe TVSH, për zbukurimet e fundvitit.
Bëhet fjalë për shirita dekorativ, llampa, kabëll dhe pajisje të tjera për zbukurimin e ambineteve të ndryshme në qytetin e Korçës, i cili vitet e fundit është kthyer në një nga atraksionet më të vizituara për Krishtlindje dhe Vitin e ri. Kjo bashki ka shpenzuar 37 milionë lekë për tre instalacione, që përfshin një bredh, një shandan dhe strukturë metalike, dhe 34 milionë lekë për drita.
Nuk mbetet pas as Bashkia e Kavajës, e cila edhe përse një bashki e vogël, ka vendosur të shpenzojë më shumë se 47 milionë lekë, për dekorin festiv të qytetit. Kjo njësi drejtohet nga përfaqësuesi i Partisë Demokratike, Fisnik Qosja.
Bashkia e Vlorës e drejtuar nga socialisti Ermal Dredha do të ketë këtë fundvit një pamje ndryshe. Edhe ajo ka vendosur të shpenzojë më shumë se 47 milionë lekë të vjetra për drita dhe zbukurime të tjera për Krishtlindje dhe Vitin e Ri.
Një atmosferë të veçantë do të kenë në qytetin e tyre edhe banorët e Bashkisë Shijak. Kryebashkiaku socialist Enton Arbana ka njoftuar një tender me fond limit 16 milionë lekë në Agjencinë e Prokurimeve Publike dhe oferta fituese me rezultat final ka qenë mbi 18 milionë lekë.
Po ashtu, rezulton se janë dhe një numër bashkish të tjera të cilat kanë shpenzuar shumë për zbukurimin e qendrave të tyre, por nuk kanë hapur tendera të veçantë, por i kanë mbuluar me fondet e drejtorive përkatëse.
© Newsbomb.al
Shpenzimet e Bashkise Shijak per zbukurimet e fundvitit
Shpenzimet e Bashkise Vlore per zbukurimet e fundvitit
Shpenzimet e Bashkise Kavaje per zbukurimet e fundvitit
Shpenzimet e Bashkise se Korçes per zbukurimet e fundvitit
Sondazh
Lexo gjithashtu
