
Mantel bardhët dhe qytetarët e Fierit kanë humbur një njeri të vyer. Doktori Thoma Mita, ose Tomi ashtu si të gjithë e njihnin dhe i thërrisnin është ndarë nga jeta.
Doktori, i cili përgjatë gjithë jetës së tij i shërbeu qytetarëve të vet, ka mbyllur sytë përgjithmonë në moshën 89-vjeçare, duke lënë boshllëk të madh te gjiri i ngrohtë i familjes së tij, por edhe te kolegët e të gjithë fierakët.
Përkushtimi, profesionalizmi dhe humanizmi i doktor Tomit do të mbeten të paharrueshme për të gjithë ata që patën fatin ta njihnin dhe të trajtoheshin prej tij.
Doktor Tomi lindi më 19 prill 1936 në qytetin e Fierit. Ai mbaroi Fakultetin e Mjekësisë në Tiranë dhe e filloi karrierën e tij si kirurg në Spitalin e qytetit të tij, ku dhe punoi për më shumë se 40 vite.