Një ngjarje e rëndë ka ndodhur në Kurbin, ku një 33-vjeçar ka qëlluar me armë zjarri rreth orës 11:00, drejt lokalit në pronësi të shtetasit F. S.
Fatmirësisht plumbat nuk kanë kapur asnjë klient, teksa uniformat blu bëjnë me dije se ngjarja ka ndodhur për motive të dobëta.
Autori sapo ka parë policët, është larguar mes parcelave të mbjella me misër, në drejtim të fshatit Gorre, duke marrë dhe armën e zjarrit me vete.
Sakaq, shërbimet e Policisë janë vënë në ndjekje të tij dhe në ndihmë janë nisur menjëherë Forcat Speciale Renea dhe Njësia Kombëtare e Sigurisë.
Njoftimi i plotë i policisë:
Rreth orës 11:00, shtetasi G. M., 33 vjeç, dyshohet se për motive të dobëta, ka qëlluar me armë zjarri në drejtim të lokalit në pronësi të shtetasit F. S.
Nuk ka asnjë shtetas të dëmtuar, vetëm dëme materiale
Shërbimet e Policisë kanë shkuar menjëherë në vendngjarje, bashkë me grupin hetimor.
Autori i dyshuar, shtetasi G. M., sapo ka parë shërbimet e Policisë, është larguar mes parcelave të mbjella me misër, në drejtim të fshatit Gorre, duke marrë dhe armën e zjarrit me vete.
Shërbimet e Policisë janë vënë në ndjekje të tij dhe në ndihmë janë nisur menjëherë Forcat Speciale Renea dhe Njësia Kombëtare e Sigurisë.
Grupi hetimor, në drejtimin e Prokurorisë, vijon hetimet për sqarimin e rrethanave dhe sekuestrimin e provave, me qëllim dokumentimin e plotë ligjor të këtij rasti.
Sondazh
Lexo gjithashtu
