Hapësire reklamuese

Aktualitet

3 vjeçari u bashkua me nënën, Policia: Bëmë kontrolle në Durrës, Has, Kukës e Tiranë

Shkruar nga Newsbomb
3 vjeçari u bashkua me nënën, Policia: Bëmë kontrolle
Nena perqafon mes lotesh Amarin 3 vjeçar

Vogëlushi Amar Gjuni që rezultonte prej 10 ditësh i zhdukur është në gjendje të mirë shëndetësore dhe mesditën e sotme është bashkuar me nënën e tij. 3 vjeçari ju mor Ile Gjunit nga vjehrri dhe vjehrra dhe u mbajt i fshehur deri sot.

Policia e Durrësit bën me dije se si rezultat i presionit policor, kërkimeve të shumta dhe negociatave, gjysha Bahrie Gjuni është vetëdorëzuar këtë të shtunë në ambientet e komisariatit, së bashku me nipin e saj 3-vjeçar.

Menjëherë, uniformat blu kanë njoftuar nënën e vogëlushit, e cila mes lotëve ka nxituar të shkojë në ambientet e Policisë së Durrësit për të takuar Amarin. Në të njëjtat ambiente ku 10 ditë më parë shkoi të bënte kallëzim për vjehrrit.

3 vjeçari u bashkua me nënën, Policia: Bëmë kontrolle
Amari 3 vjeçar duke perqafuar nenen

Autoritetet bëjnë me dije se djali është në gjendje të mirë shëndetësore dhe për gjetjen e tij janë kryer një tërësi veprimesh hetimore dhe kontrolle të shumta në Durrës, Has, Kukës dhe Tiranë.

Në drejtimin e Prokurorisë së Durrësit, vijon puna hetimore për sqarimin e plotë të rrethanave dhe dokumentimin e plotë ligjor të rastit. Gjysha Bahrie Ghuni është ndaluar dhe po merret në pyetje. Në qeli qëndron aktualisht gjyshi Rexhep Gjuni dhe kunati i tij, vëllai i Bahries, pasi dyshohet se i ka ndihmuar dy të moshuarit të marrin nipin dhe të fshihen.

Rasti është përshëndetur dhe nga ministri i Brendshëm, Taulant Balla, i cili ka ndarë momentin prekës kur vogëlushi takohet me nënën e tij, Ile Gjuni.

"Amari i vogël 3 vjeçar sapo mbërriti në krahët e nënës së tij. Ndërsa i takon drejtësisë të vendosë, edhe dashuria e gjyshërve nuk do të mungojë për Amar. Kjo është një nga ato situata për të cilat, nuk gjenden dot fjalët. Përgëzime Drejtorisë së Policisë së Durrësit", shkruan ministri.

Drejtoria Vendore e Policisë Durrës - Njoftim për media

Komisariati i Policisë Durrës ka vijuar punën kërkimore dhe hetimore, për gjetjen e 3-vjeçarit dhe për dokumentimin e plotë të kësaj ngjarjeje, për të cilën deri tani janë arrestuar shtetasit R. Gj. (gjyshi) dhe A. S. (vëllai i gjyshes), të dyshuar si bashkëpuntorë për rrëmbimin e 3-vjeçarit.

Në këtë kuadër janë kryer një tërësi veprimesh hetimore dhe kontrolle të shumta në Durrës, Has, Kukës dhe Tiranë.

Si rezultat i presionit policor, kërkimeve të shumta dhe negociatave, sot është vetëdorëzuar shtetasja B. Gj., së bashku me nipin e saj 3-vjeçar, të cilin e mori nëna e tij, në gjendje të mirë shëndetësore.

Në drejtimin e Prokurorisë pranë Gjykatës së Shkallës Parë të Juridiksionit të Përgjithshëm Durrës, vijon puna hetimore për sqarimin e plotë të rrethanave dhe dokumentimin e plotë ligjor të rastit.

Sondazh

Poll

Lexo gjithashtu

Hapësire reklamuese