Hapësire reklamuese

Aktualitet

23-vjeçarja dhunon vjehrrën në Korçë, policia e pajis me urdhër mbrojtjeje

Shkruar nga Newsbomb
23-vjeçarja dhunon vjehrrën në Korçë, policia e
Komisariati i policise Korçë/ Foto Arkivë


Një rast i paprecedentë është regjistruar në Korçë, në fshatin Miras, ku një 23-vjeçare ka dhunuar vjehrrën e saj.

“Komisariati i Policisë Devoll referoi materialet në Prokurori, ku filloi procedimi në gjendje të lirë për shtetasen L. L., 23 vjeçe, banuese në fshatin Miras, Devoll, pasi dyshohet se ka dhunuar vjehrrën e saj, e cila u pajis me urdhër mbrojtjeje”, thuhet në njoftimin e policisë.

Njoftimi i plotë i policisë:

Seksioni për Hetimin e Krimeve Ekonomike dhe Financiare referoi materialet në Prokurori, ku filloi procedimi në gjendje të lirë për shtetasin H. K., 26 vjeç, banues në fshatin Bitinckë, Devoll, pasi dyshohet se ka falsifikuar firmën e një 26-vjeçari, për marrjen e një kredie bankare në emër të këtij të fundit, të cilën nuk e ka shlyer.

Sektori i Policisë Rrugore referoi materialet në Prokurori, ku filloi procedimi në gjendje të lirë për shtetasin GJ. K., banues në Pogradec, pasi duke drejtuar motomjetin, pa leje drejtimi, dyshohet se ka humbur kontrollin mbi drejtimin e tij dhe motomjeti ka dalë nga rruga. Për pasojë, ky shtetas ka pësuar dëmtime fizike dhe ndodhet për mjekim, në spital.

Komisariati i Policisë Maliq referoi materialet, në Prokurori ku filloi procedimi në gjendje të lirë për shtetasit:

-A. B., 34 vjeç, banues në fshatin Leminot, Maliq, pasi dyshohet se ka dëmtuar rreth 180 pemë frutore në tokën e një 55-vjeçari;

-F. Z., 30 vjeç, banues në fshatin Gocë, Maliq, pasi në qytetin e Maliqit, nuk i është bindur urdhrit të punonjësit të Policisë, për të ndaluar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.

Sondazh

Poll

Lexo gjithashtu

Hapësire reklamuese