Një shofer 20 vjeçar është arrestuar nga shërbimet e Policisë së Tiranës, pasi ka tentuar të korruptojë efektivët e Rrugores, siç shihet dhe nga pamjet e shpërndara në media. Ai akuzohet për veprën penale "Korrupsion aktiv" dhe është dërguar në qeli.
Kanë qenë efektivët e Komisariatit të Policisë Rrugore në Tiranë të cilët e kanë konstatuar këtë shtetas duke u futur me semafor të kuq në një nga akset kryesore të qytetit dhe e kanë ndaluar.
Mirëpo, kur patrulla është afruar pranë mjetit tip "Ford Focus", shoferi 20 vjeçar u ka ofruar para efektivëve me qëllim që ata të lejonin të largohej. Gjendur në këto kushte, Rrugorja i ka komunikuar shkeljen e semaforit dhe tentativën për korrupsion.
Menjëherë është bërë ndalimi i tij dhe kolegët e Policisë Rrugore kanë njoftuar patrullën e rendit, për shoqërimin e shoferit të ri në ambientet e Komisariatit, ku është njohur zyrtarisht me akuzën.
Policia Rrugore Tiranë apelon të gjithë drejtuesit e mjeteve që të respektojnë rregullat e qarkullimit dhe fton qytetarët të denoncojnë çdo shkelje në numrin 112! "Lufta kundër këtij fenomeni do të intensifikohet, qoftë ndaj shkelësve, qoftë ndaj atyre që kryejnë korrupsionin pasiv", vijon reagimi.
Sondazh
Lexo gjithashtu
