Aktori Ermal Mamaqi ka shprehur trishtimin e tij për ndarjen nga jerta të mjeshtrit të madh të humorit Koço Devole.
Teksa ka qenë në një lidhje me skype në emisionin “Shqipëria Live” ai ka folur për eksperiencën e tij me Devolen gjatë xhirimit të filmit “Dy gisht mjaltë”.
Mamaqi tregoi një nga skenat komike gjatë prapaskenave të xhirimit të filmit. Më tej ai u shpreh se modestia e Devoles e bënte atë edhe më madhështor.
“Janë dashur 5 ditë që të formulohej roli i tij në film. Ai thoshte gjithmonë se unë nuk jam si aktorët e tjerë se e shkruaj vetë rolin tim. Modestia e tij e bënte edhe më madhështor, ai vinte si hije e se dije se ku rrinte, nuk dukej fare. Ishte një rast, ku kishte ardhur ora për të bërë provat dhe asistentja ishte bërë dyllë e verdhë se s’po e gjente dot dhe më në fund kur e gjeti ai na tha ‘juve po vonoheshit e unë ia futa gjumit’. Ai ia kishte futur gjumit në një krevat të spitalit. Koço fliste një fjalë e thoshte gjithçka”,- tha Mamaqi.