Gjashtë makina janë përfshirë në një aksident që ka ndodhur mëngjesin e kësaj të hëne në Rrugën e Kombit, në afërsi të fshatit Blinisht të Lezhës. Deri tani raportohet për dy persona të dëmtuar lehtë dhe dëme të konsiderueshme materiale.
Në aksident është përfshirë një trailer me rimorkio, katër vetura të vogla dhe një fuoristradë, shkruan newsbomb.al.
Shkak paraprak dyshohet se janë bërë ngrica dhe mjegulla. Shërbimet e Policisë Rrugore kanë mbërritur në vendin e ngjarjes dhe po kujdesen për shëndetin e pasagjerëve e shoferëve, si dhe hapjen e qarkullimit për mjetet e tjera në këtë rrugë kombëtare.
Në këto ditë me temperatura të ulëta dhe reshje shiu e dëbore, të gjithë drejtuesit e mjeteve duhet të qarkullojnë me kujdes të shtuar, për të shmangur aksidentet apo ngjarjet e tjera në rrugë, që mund të përbëjnë rrezik për ta dhe pasagjerët.
Siç shihet dhe nga këto fotografi të siguruara nga vendi i ngjarjes, në Rrugën e Kombit janë përfshirë në aksident një trailer me rimorkio, një fuoristradë "Toyota Land Cruister", një Audi", dy "Volvo", një "Golf 5".
1620164a-4bc0-44ef-aa75-ae6bf4ca7e2a
90fe48f3-0d1d-4b5f-944b-cb59d22c6c77
5d21dda1-46d9-4494-8f31-630a1faf4ff9
5d5c9258-9ccd-4424-9201-0705ff562fdb
Pamje nga aksidenti zinxhir ne Rrugen e Kombit
Sondazh
Lexo gjithashtu
