Një aksident masiv ka ndodhur në rrugët e Kairos në Egjipt me pasojë vdekjen e 21 personave si pasojë e përplasjes së dhjetrëra automjeteve. Nga aksidenti i rëndë kanë mbetur të plagosur edhe 16 persona të tjerë, shumë prej tyre në gjendje të rëndë për jetën. Sipas mediave vendase, aksidenti ka ndodhur pasi një numër i madh automjetesh janë përplasur me njëra-tjetrën në një prej autostradave pranë Kairos, për shkak të mjegullës se dendur dhe shpejtësisë tej normave.
Rreth 10,000 persona humbin jetën çdo vit si pasojë e aksidenteve në Egjipt, kjo për shkak të infrastukturës së dobët dhe shkeljes së shpeshtë të rregullave të qarkullimit.