Një aksident i rëndë ka ndodhur sot në afërsi të vendit të quajtur 'Ura e Bulgarecit', në aksin nacional Korçë-Pogradec.
Mësohet se një automjet i drejtuar nga një punonjës policie në Maliq, ka përplasur një fëmijë 12 vjeç i cili po lëvizte me biçikletë. Sakaq, gjendja e 12-vjeçarit është e rëndë dhe është nisur menjëherë për në spital.
Policia ka shkuar në vendngjarje dhe po punon për zbardhjen e aksidentit.
Njoftimi i policisë
Korçë/Informacion paraprak
Më datë 30.04.2020, rreth orës 15:40, në aksin rrugor Korçë-Maliq, pranë fshatit Bulgarec, shtetasi D. L., duke drejtuar mjetin tip "Opel" dyshohet se është përplasur me një biçikletë që lëviste një shtetas rreth 12 vjeç, i cili aktualisht ndodhet në Spitalin e Korçës, për ndihmë mjekësore.
Drejtuesi i mjetit ndodhet në Komisariat, ku po kryen veprimet e mëtejshme procedurale. Grupi hetimor po punon për zbardhjen e rrethanave dhe përcaktimin e shkaqeve të aksidentit.