Një aksident i rëndë automobilistik ka ndodhur sot rreth orës 14:15 te mbikalimi i Kopështit Zoologjik në Tiranë.
Sipas policisë, një 86-vjeçar është përplasur nga një makinë, dhe aktualisht ndodhet në spital në gjendje kritike për jetën.
“Me datë 22.11.2021, rreth orës 14:15, tek mbikalimi i Kopështit Zoologjik, mjeti me drejtues shtetasin A. F., ka aksidentuar shtetasin këmbësor H. V., 86 vjeç.
Si pasojë ky shtetas është dëmtuar dhe ndodhet në spital në gjendje të rëndë për jetën.
Grupi Hetimor është në vendngjarje dhe po punon për sqarimin e rrethanave të aksidentit”, bën me dije policia në një njoftim paraprak.