Një person ka humbur jetën dhe një tjetër është plagosur si pasojë e një aksidenti të rëndë në Fier mbrëmjen e kësaj të marte.
Ngjarja ka ndodhur rreth orës 21:50 në aksin Fier-Patos, ku shtetasi 43-vjeçar Bledar Balla banues në Fier ka humbur drejtimin e motomjetit në të cilin kishte dhe një pasagjer, 40-vjeçarin Elton Bardhi banues gjithashtu në qytetin e Fierit. Si pasojë, ata kanë dalë nga rruga dhe kanë marrë dëmtime të shumta.
Autoritetet bëjnë me dije se Bardhi i cili ishte pasagjer ka ndërruar jetë në spital si pasojë e plagëve të marra ndërsa drejtuesi i motomjetit, Balla ndodhet nën kujdesin e mjekëve dhe është jashtë rrezikut për jetën.
Grupi hetimor ka mbërritur në vendin e ngjarjes dhe po punon për zbardhjen e shkaqeve të aksidentit.
Njoftimi i policisë
Rreth orës 21:50, në aksin rrugor “Fier-Patos”, shtetasi B. B., 43 vjeç, banues në Fier, duke drejtuar motomjetin, ka humbur kontrollin mbi drejtimin e motomjetit dhe ka dalë nga rruga.
Për pasojë ka ndërruar jetë në spital, pasagjeri, shtetasi E. B., 40 vjeç, banues në Fier, si edhe është dëmtuar dhe ndodhet në spital në kujdesin e mjekëve, jashtë rrezikut për jetën, drejtuesi i motomjetit.
Grupi hetimor po punon për zbardhjen e shkakut të aksidentit.
Sondazh
Lexo gjithashtu
