Një aksident i rëndë është shënuar mbrëmjen e sotme në aksin Elbasan- Bradashesh
Bëhet me dije se janë përplasur dy automjete. Burime për newsbomb.al bëjnë me dije se në aksidentë është përfshirë një automjet tip ‘volksëagen kabriole’ e cila është përplasur me një autobuz pasagjeresh.
Si pasojë janë dëmtuar 5 persona të cilët janë transportuar për në spital të Elbasanit. Si dhe janë dërguar për kontroll mjeksor edhe 4 pasagjer të autobusit.
Në vendngjarje janë sherbimet e Policise dhe të urgjencës së spitalit.
Policia ka dërguar nëpërmjet autoambulancave në spital menjëherë të plagosurit për ndihmë mjeksore, si dhe ka bërë të mundur zhbllokimin e trafikut, pasi u krijuan radhë të gjata në të dyja kahët e lëvizjes. Grupi hetimor ndodhet në vendngjarje dhe vijon punën për përcaktimin e shkakut të aksidentit.
Elbasan/ Informacion paraprak
Në aksin rrugor Elbasan- Bradashesh, automjet tip “Volksëagen”, është përplasur me një minibuz pasagjerësh.
Si pasojë e përplasjes janë plagosur 5 persona pasagjerë të minibuzit të cilët janë transportuar në spital të Elbasanit, dhe ndodhen jashtë rrezikut për jetën. Po si pasojë e përplasjes janë plagosur drejtuesja e mjetit të “Volksëagen” shtetasja F.B., dhe pasagjeri shtetasi K.D., ndodhen nën kujdesin e mjekëve.
Grupi hetimor ndodhet në vendngjarje dhe vijon punën për zbardhjen e shkakut të aksidentit.
Shërbimet e Policisë morën masa të menjëhershme duke siguruar rrugëkalimin e autoambulancave që transportuan në kohë të shpejtë të plagosurit si dhe bënë të mundur zhbllokimin e trafikut në të dyja kahët e lëvizjes.