Ministri i Financave, Arben Ahmetaj, ka folur për largimin e biznesmenit libanez nga Shqipëria duke thënë se është një humbje e madhe për vendin.
Në emisionin “Të bësh ekonomi”, Ahmetaj tha se në Gjirin e Lalëlzit nuk do të investoheshin 450 milion euro, por 180 milion euro. Ahmetaj shtoi se edhe sikur 1 euro të ishte, është përsëri e rëndësishme. Megjithatë sipas tij rrahja e biznesmenit dhe largimi i tij është një rast i izoluar.
“Do investonte 180 milion euro, por nuk ka rëndësi edhe 1 euro sikur të ishte është e rëndësishme. Pyetja është çfarë masash marrim nëe qoftë për personin apo për pronën. Këtu ka 23 mijë italianë rezidentë asnjë nuk është ankuar. Ky është një incident i rëndë, i dënueshëm i kufizuar. Është një humbje e madhe për ne. Për Shqipërinë. Unë nuk e dua më shumë se çfarë e doni ju. E duam njësoj Shqipërinë”, tha Ahmetaj.