Hapësire reklamuese

Politikë

Agron Duka: Nuk kandidoj në Durrës, kam simpati për Igli Carën

Shkruar nga Newsbomb
Agron Duka: Nuk kandidoj në Durrës, kam simpati për Igli

Kreu i Partisë Agrare Ambientaliste Agron Duka nuk do të kandidojë në primaret e PD për Bashkinë e Durrësit.

Këtë gjë e pohoi vetë Duka në emisionin Quo Vadis në Vizion plus, teksa shtoi se mbështet kandidaturën e Igli Carës, si një person me impakt në elektorat.

Duka tha se Cara ka qenë një nga më të votuarit në zgjedhjet e fundit parlamentare, por Kodi Zgjedhor e la jashtë Kuvendit. Në rast se listat do të ishin të hapura, Cara do të ishte i pari që do dilte deputet nga qyteti bregdetar, sipas Dukës.

“Ka shumë kandidatura të mira, të cilat rastësisht janë të PD. Nuk e di cilën palë, se dhe këto kanë problemet e veta. PD në Durrës në bazë po bashkohet. Unë simpati kam për Igli Carën, i cili ka qenë në listë për deputet dhe ka marrë vota më shumë sesa ne, pavarësisht se Kodi Zgjedhor nuk e lejoi të hyjë në Parlament. Nëse do ishte listë e hapur do ishte në vendin e parë. Një farë primare e ka bërë ai. Unë mendoj që kandidatura më e mirë për Durrësin do ishte ai.

Unë e përjashtoj veten se kam marrë rreth 4700 e ca vota, pavarësisht se kam qenë në avantazh se kam qenë në listën e PD.

Unë di lidhjet që ka zotëria me elektoratin e djathtë në Durrës. Igli është kandidaturë shumë e mirë. Durrsakët do duan ndryshim patjetër”, tha Duka.

Sondazh

Poll

Lexo gjithashtu

Sondazh

Poll