Hapësire reklamuese

Aktualitet

Agjencia e Mbikqyrjes Policore godet "Grupin Kriminal": Trafikonte makina të vjedhura nga Kosova, në doganë ndihmoheshin nga Policia (DETAJE)

Shkruar nga Newsbomb
Agjencia e Mbikqyrjes Policore godet "Grupin Kriminal": Trafikonte

Një grup që merrej me trafikimin e makinave nga Kosova në Shqipëri, është goditur nga Agjencia e Mbikqyrjes Policore, shkruan newsbomb.al. Referuar njoftimit zyrtar, bëhet me dije se janë arrestuar 7 shtetas, 3 prej tyre janë policë dhe një tjetër është shpallur në kërkim.

Specialistët e Seksionit për Hetimin e Trafiqeve të Paligjshme në DVP Tiranë në bashkëpunim me AMP, DVP Kukës dhe Komisariatin e Policisë Krujë, pas një pune të mirëfilltë hetimore, organizuan dhe finalizuan me sukses operacionin policor të koduar "Nacional", në kuadër të të cilit u bë arrestimi në flagrancë i shtetasve:

  • S. Sh., 31 vjeç, banues në Tiranë, i dënuar më parë, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";
  • N. Sh., 24 vjeç, banues në Tiranë, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";
  • E. C., 24 vjeç, A. Sh., 25 vjeç, të dy banues në Kamzë, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";
  • V. D., 29 vjeçe, punonjëse Policie në strukturat operacionale të Policisë së Shtetit dhe  E. A., 24 vjeç,  punonjës policie në  DVP Kukës, arrestuar në flagrancë për veprat penale "Trafikimi i mjeteve motorike" dhe "Grupi i strukturuar kriminal";
  • F. B., 38 vjeç, banues në Kukës, me detyrë punonjës Policie në DVP Kukës, arrestuar në flagrancë për veprën penale "Shpërdorimi i detyrës".

Puna dhe organizimi i këtij grupi, sipas Policisë

Shtetasi S. Sh., i cili ishte në rolin e drejtuesit, në bashkëpunim me lidhje të tij familjare dhe shoqërore, kishte krijuar një rrjet personash që funksiononin si një grup i strukturuar kriminal, dhe trafikonin mjete motorike të vjedhura, nga Kosova në drejtim të Shqipërisë.

Shtetasi N. Sh., nëpërmjet lidhjeve të tij shoqërore në Kosovë, siguronte automjetet e vjedhura në këtë shtet. Trafikimi i këtyre mjeteve bëhej nëpërmjet PKK Morinë, dhe kalimin e tyre, e kryente shtetasi F. B., me detyrë punonjës Policie në stacionin e Policisë Kufitare Morinë, i cili nuk i regjistronte mjetet motorike që kalonin.

Në vijim të veprimeve u shpall në kërkim bashkëpunëtori i tyre, shtetasi J. Sh., 30 vjeç. Në cilësinë e provës materiale u sekuestruan 4 mjete, një shumë parash dhe 6 aparate celulare.

Vijon puna në bashkëpunim me autoritetet Policore të Kosovës, për identifikimin dhe kapjen e shtetasve të tjerë të implikuar në këtë veprimtari kriminale. Materialet i kaluan Prokurorisë së Posaçme Kundër Korrupsionit dhe Krimit të Organizuar për veprime të mëtejshme procedurale.

Sondazh

Poll

Lexo gjithashtu

Hapësire reklamuese