Marka e njohur e veshjeve sportive “Adidas” i ka dhënë zyrtarisht fund bashkëpunimit me reperin e njohur amerikan, Kanye West.
Kjo ndarja ka ardhur pas komenteve anti-semitike që Ëest ka bërë gjatë javëvë të fundit. Ky lajm u bë me dije nga vetë kompania, e cila bëri me dije se ka mbyllur përfundimisht bashkëpunimin me West, mbi modelet e njohura të atleteve “Yeezy”, të cilat vlerësohen se mund të jenë si fraksion i Adidas me vlerë rreth 2 miliardë dollarë.
Kompania do të marrë një goditje prej 250 milionë eurosh (246.5 milionë dollarë) për të ardhurat neto në vitin aktual fiskal.
“Komentet dhe veprimet e fundit të Ye-së kanë qenë të papranueshme, të urryera dhe të rrezikshme, dhe ato shkelin vlerat e kompanisë për diversitetin dhe përfshirjen, respektin reciprok dhe drejtësinë,” tha kompania “Adidas”në një deklaratë.
Adidas do të ndërpresë partneritetin me West pasi ptë përfundojë prodhimi i produkteve të markës Yeezy dhe më pas do të ndalojë të gjitha pagesat për Ye dhe kompanitë e tij.
Adidas i bashkohet labelit të modës Balenciaga të Gap Inc dhe Kering SA në shkëputjen e lidhjeve me Ye.
Kujtojmë se gjatë ditëve të fundit Kanye West ka bërë disa deklarata të cilat kanë shkaktuar mjaft polemika. Dekalratat e tij “anti-semitike” kanë sjellë një sërë reagimesh.
Më herët ai tha se George Floyd, një afrikano-amerikan që vdiq si rezultat i brutalitetit të policisë dhe që u bë fytyra e lëvizjes “Black lives matters”, në fakt vdiq nga pasoja e një mbidoze.
Një reagim për West ka ardhur edhe nga ish-bashkëshortja e tij, Kim Kardashian, e cila me anë të një postimi në Instagram, ka komentuar veprimet e fundit të Ye, duke i quajtur ato të “papranueshme”.