Krytari i Komanduar i Partisë Demokratike, Enkelejd Alibeaj, pas përfundimit të mbledhjes së kryesisë ka dalë në një deklaratëpër mediat.
Ai tha se ditën e nesërme do të mblidhen forume të tjera të PD dhe se vendimi do të merret ditën e nesërme.
“Nesër do të jetë mbledhja e Kolegjit të Kryetarëve. Çështja e zgjedhjeve është përgjegjësi e madhe dhe diskutimi do të bëhet me të gjitha forumet. Nesër do të jetë mbledhja e Kolegjit të Kryetarëve. Do të sjellin edhe ata atë që është nevoja dhe interesi. Derisa të zyrtarizohen duroni”, tha Alibeaj.
Ndërkaq i pyetur se përse shoqërohej nga garda dhe nëse ndihej i kërcënuar, ai tha se kjo është vetëm për shkak të procedurës ligjore.
“Nuk kam dashur t’i mbajë, por është detyrim i gardës që në situata zgjedhorë duhet të shoqërohet”, tha ai.
A ndiheni i kërcënuar?
“Asnjëherë, kurrë!”, deklaroi Alibeaj.