Ambasada amerikane në Tiranë ka shpërndarë intervistën e ambasdores Yuri Kim në rrjetet sociale.
Ambasada ka vënë në dukje edhe njëherë pyetjen që gazetari i bëri Kim se kush ishte kandidati i saj i preferuar në zgjedhjet e 25 prillit.
Edhe njëherë ambasadorja Kim ka vënë në dukje se nuk flet për kandidatë apo parti, por për procese.
Sipas saj është e rëndësisë kritike që "të sigurohemi që rregullat dhe proceset janë të ndershme, janë transparente, që fusha e lojës është e njëjtë për të gjithë, dhe që rregullat të zbatohen edhe në kohë, që të gjithë të kenë të njëjtat shanse".
Postimi i plotë:
A kemi një kandidat të preferuar? Jo, nuk kemi. Nuk është ky pozicioni i Shteteve të Bashkuara. Ajo për të cilën vrasim mendjen janë institucionet dhe proceset. Dhe, prandaj nuk flas për këtë kandidat apo atë kandidat, këtë apo atë parti, por flas për ...rëndësinë kritike që ka që të sigurohemi që rregullat dhe proceset janë të ndershme, janë transparente, që fusha e lojës është e njëjtë për të gjithë, dhe që rregullat të zbatohen edhe në kohë, që të gjithë të kenë të njëjtat shanse... Kjo është ajo për të cilën kemi interes