Në kinematografinë botërore prej disa kohësh janë shtuar akuzat për ngacmime seksuale. Ndërsa për Shqipërinë bëri bujë lajmi se dhe aktorja e njohur me famë botërore Eliza Dushku ka rënë pre e përdhunimit në moshën 12-vjeçare.
Por a ka patur ngacmime seksulae në kinematografinë shqiptare?
Lidhur me këtë ka folur diva e kinematografisë, Tinka Kurti, ku shprehet se raste të tilla nuk ka patur asnjëherë.
“Absolutisht jo. Nuk guxonte askush. Flas për vete dhe për shoqet e mia. Gjatë gjithë karrierës teatrale dhe kinematografike nuk kam dëgjuar diçka të tillë. Ne rrinim bashkë edhe 9 muaj në sheshxhirime, kur bënim filma. Se kishte dubla pafund. Nuk kishte ngacmime. Përkndrazi ne shkonim mirë, argëtoheshim pafund”, është shprehur aktorja për Tirana Post.