Deputetja e Partisë Demokratike, Flutura Açka, ka reaguar menjëherë pas bërjes publike të lajmit se Enkelejd Alibeaj, ka përjashtuar nga Grupi Parlamentar i PD-së katër deputetët, Tritan Shehu, Oerd Bylykbashi, Belind Këlliçi dhe Agron Shehaj.
Përmes një postimi në “Facebook”, Açka shprehet e revoltuar ndaj këtij vendimi duke thënë se katër deputetët i bëjnë nder çdo Grupi Parlamentar.
“Marrëzia e vogëlsisë
A jeni në metro?
Oerd Bylykbashi, Agron Shehaj, Tritan Shehu e Belind Këlliçi i bëjnë nder çdo grupi parlamentar”, shkruan Açka.
Enkelejd Alibeaj më herët tha se se Tritan Shehu; Oerd Bylykbashi; Belind Këllici dhe Agron Shehaj përjashtohen nga Grupi Parlamentar sepse edhe pas një viti, nuk janë distancuar nga dhuna që militantët e Sali Berishës ushtruan më 8 janar 2021.
“Për këtë qëllim, është njoftuar zyrtarisht Kuvendi i Shqipërisë që deputetët Tritan Shehu; Oerd Bylykbashi; Belind Këllici dhe Agron Shehaj nuk janë më pjesë e Grupit Parlamentar të Partisë Demokratike duke filluar nga data 11.01.2023”, thotë njoftimi.
Ky vendim është marrë më 10 janar 2021 nga kryedemokrati Lulzim Basha, ku mes 9 deputetëve të pezulluar, ishin dhe katër ligjvënësit që u përjashtuan sot. Pas një viti të plotë, ata thuhet se nuk janë distancuar ndaj rrjedhimisht janë përjashtuar nga Grupi Parlamentar.