Hapësire reklamuese

Çështjet kryesore

Aktualitet

9 kandidatë për 3 vende vakante në Kushtetuese, Gjykata e Lartë i dërgon emrat KED-së; Gara për vendin e Vitore Tushës, Fatmir Hoxhës dhe Gani Dizdarit

Shkruar nga Newsbomb
9 kandidatë për 3 vende vakante në Kushtetuese, Gjykata e

Gjykata e Lartë i dërgon Këshillit të Emërimeve në Drejtësi (KED) listën me emrat e vetë për 3 vende vakante në Gjykatën Kushtetuese. Me ligj, shkallës së tretë dhe më të lartë të drejtësisë në Shqipëri, i takon të propozojë emrat për 3 vende në Gjykatën Kushtetuese.

Në mbyllje të afatit 30 ditor për pranimin e kërkesave, Gjykata e Lartë thotë se 9 kandidatë kanë shprehur interesë për plotësimin e 3 vendeve vakante në Gjykatën Kushtetuese. Gara bëhet për emrin e Vitore Tushës, Fatmir Hoxhës dhe Gani Dizdarit, dy të fundit të larguar nga vettingu.

Zëvendëskryetari i Gjykatës së Lartë, në datë 03.06.2021 ka bërë shpalljen publike për plotësimin e 3 vendeve vakante në Gjykatën Kushtetuese që duhen plotësuar nga Gjykata e Lartë, si më poshtë:

1. Në vendin vakant që krijohet pas largimit të znj. Vitore Tusha (mandati i plotë 9 vjeçar i së cilës ka mbaruar në vitin 2017), zgjidhet gjyqtari i ri, i cili qëndron në detyrë deri në mars të vitit 2025;

2. Në vendin vakant të krijuar pas largimit të z. Fatmir Hoxha (mandati i plotë 9 vjeçar i të cilit ka mbaruar në vitin 2020), zgjidhet gjyqtari i ri, i cili qëndron në detyrë deri në muajin qershor të vitit 2028;

3. Në vendin vakant të krijuar pas largimit të z. Gani Dizdarit (mandati i plotë 9 vjeçar i të cilit mbaronte në vitin 2022), zgjidhet gjyqtari i ri, i cili qëndron në detyrë deri nëmuajin mars të vitit 2022.

Pas përfundimit të afatit 30 ditor të pranimit të kërkesave të kandidatëve, kanë paraqitur kërkesë për të konkuruar në tre vendet vakante për gjyqtarë të Gjykatës Kushtetuese këta kandidatë:

1. Albert Demirneli (për vendin vakant të krijuar nga largimi i z. Fatmir Hoxha);

2. Alket Jaupi (për vendin vakant të krijuar nga largimi i z. Fatmir Hoxha);

3. Dhimitrula Spiro (për vendet vakant të krijuar nga largimi i z. Fatmir Hoxha dhe zj. Vitore Tusha);

4. Ervin Karamuço (për vendet vakant të krijuar nga largimi i z. Fatmir Hoxha, zj. Vitore Tusha dhe z. Gani Dizdari);

5. Helena Papa (për vendet vakant të krijuar nga largimi i z. Fatmir Hoxha dhe zj. Vitore Tusha);

6. Saimir Visha (pa specifikim për cilin nga vendet vakant);

7. Sandër Beci (për vendet vakant të krijuar nga largimi i z. Fatmir Hoxha dhe zj. Vitore Tusha);

8. Vatë Staka (për vendet vakant të krijuar nga largimi i z. Fatmir Hoxha dhe zj. Vitore Tusha);

9. Zhaklina Peto (për vendet vakant të krijuar nga largimi i z. Fatmir Hoxha dhe zj. Vitore Tusha).

Lista e kandidatëve, si dhe dokumentacioni i paraqitur prej tyre i janë dërguar Këshillit të Emërimeve në Drejtësi për vlerësimin e kushteve dhe kritereve të emërimit të gjyqtarëve në Gjykatën Kushtetuese.

Lexo gjithashtu

Sondazh

Poll