Donaldo Lushaj dhe Armando Pezaku. Gjykata e Apelit të Krimeve të Rënda lë në burg Donaldo Lushaj dhe Armando Pezaku.
Këta të fundit përkatësisht menaxheri dhe shoferi i kompanisë “Arbri Garden”, u arrestuan për 613 kg kokainë kapur në Portin e Durrësit brenda kontenierit me banane që vinte nga Kolumbia.
Gjykata e Shkallës së parë kishte vendosur masën “arrest me burg” për të arrestuarit. Më herët ata e mohuan të kenë lidhje me trafikun e kokainës duke theksuar se ishin të punësuar nga kompania “Arbri Garden”.
Vetë pronari i ‘Arbri Garden’, Arbri Çekaj është shpallur në kërkim nga policia.