Hapësire reklamuese

Aktualitet

613 kg kokainë në Durrës, sekuestrohen llogaritë bankare të “Arbi Garden”. Ja shuma që u gjet

Shkruar nga Newsbomb

Policia e Shtetit ka sekuestruar llogaritë bankare të kompanisë Arbi Gardhen dhe Ecoalmax, në pronësi të Arbër Çekaj, i dyshuari kryesor si importues 613 kilogram kokainë të kapur pak kohë më parë në Portin e Durrësit.

Në total janë sekuestruar rreth 38 mijë euro dhe mbi 10 milion lekë të reja, të dyshuara si të përfituara nga aktiviteti kriminal.

NJOFTIMI I POLICISË:

"Forca e Ligjit", sekuestrohen llogari bankare të dyshuara kriminale të grupit të kokainës së kapur në Durrës

Në vijim të hetimeve për asetet me burim kriminal, pas operacionit “Last Snoë” ku u sekuestruan 613 kg kokainë në Portin e Durrësit disa muaj më parë, Task Forca Speciale bëri sekuestrimin e llogarive bankare në emër dhe për llogari të subjekteve “Arbri Garden” shpk dhe “Ecoalmax” shpk.

Vlera totale e sekuestruar është rreth 38 mijë dollarë dhe mbi 10 milion lekë (të reja), që dyshohen si të përfituara nga aktiviteti kriminal i shtetasve të ndaluar nga Policia.

Departamenti i Policisë Kriminale, në bashkëpunim me Prokurorinë e Krimeve të Rënda në kuadër të operacionit “Forca e Ligjit”, po vijon hetimet intensive për këtë grup të dyshuar që operonte në fushën e trafikimit të drogave të forta.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.