Një 60-vjeçar në Gjermani raportohet se ka bërë plot 90 vaksina kundër koronavirusit, në mënyrë që të shiste pasaportat e quajtura “green-pass”.
Sipas mediave gjermane, ai u vaksinua të paktën 90 herë në disa pika të qytetit Magdeburg, derisa autoritetet zbuluan skemën.
60-vjeçari nuk u ndalua nga policia, por është aktualisht nën hetim për falsifikim dhe shpërndarje të paautorizuar të pasaportave të Covid-19.
Ai u kap në një pikë vaksinimi në Eilenburg, ku u kthye për të bërë një tjetër vaksinë brenda ditës. Është e paqartë se çfarë efektesh kanë patur 90 dozat e vaksinës në shëndetin e 60-vjeçarit.