Tirana
broken clouds
17 ° C
17 °
17 °
77 %
1.5kmh
75 %
Hën
22 °
Mar
22 °
Mër
23 °
Enj
17 °
Pre
19 °
E hënë, 17 Maj, 2021
spot_img

“60 milion euro fitime”, akuza e rëndë e deputetes: Ja çfarë do japë Rama me konçesion

spot_img

Lajme të ngjashëm

77fd18b0083c7e8bba0d169fa44deed6

Deputetja e Partisë Demokratike Izmira Ulqinaku ka ngritur akuza të forta ndaj qeverisë “Rama”, teksa dha një deklaratë për mediat.

Sipas Ulqinakut qeveria “Rama” ka dhënë një tjetër koncesion korruptiv, atë të kontrollit të pompave të karburantëve që do t’i japë klientit të Ramës, Gentian Sula, 60 milionë euro fitime.

Deputetja e PD tha se shqiptarët do ta paguajnë koncesionin ose me çmimin e rritur të karburanteve, ose me sasinë e karburantit në makinat e tyre.

Deklarata e plotë e Izmira Ulqinakut:

Koncesionet dhe tenderat korruptivë të qeverisë së Edi Ramës po zhvasin gjithnjë e më shumë shqiptarët.

Nga kasat dhe pajisjet e reja fiskale që do t’i kushtojnë secilit biznes të paktën 600 euro, shumë shpejt shqiptarët do të paguajnë akoma më shumë edhe për karburantet!

Qeveria e Edi Ramës ka vendosur të japë me koncesion tek klientët e tij kontrollin e kolaudimit të pompave të karburanteve.

Aktualisht, ky është një shërbim shtetëror, por korrupsioni në qeveri ka vendosur që t’ia kalojë atë privatit, i cili do të vendosë cilat pompa karburantesh i vjedhin shqiptarët dhe cilat pompa nuk i vjedhin.

Fitimi për koncesionarin, klient i Edi Ramës, llogaritet të jetë rreth 60 milionë euro, të cilat do të paguhen nga shqiptarët ose tek çmimi, ose tek sasia e karburantit me të cilën do të furnizohen nga pompat e kolauduara prej kompanisë provate.

Kjo është e njëjta kompani që ka marrë me koncesion shkollat e Tiranës, me pronar Gentian Sulën.

Është e njëjta kompani, për të cilën qeveria shpiku një koncesion tjetër korruptiv prej 95 milion eurosh, atë të targave me chip. Por që, për shkak të presionit së opozitës dhe pakënaqësisë së qytetarëve, qeveria u tërhoq nga ky koncesion absurd dhe korruptiv.

Kontrolli i matjes së pompave të naftës, për shkak të kritereve të vendosura që tenderi të fitohet vetëm nga kompania e Gentian Sulës, vendos monopolin në treg, duke shkatërruar garën dhe duke thelluar përqendrimin e ekonomisë në pak duar.

PD është e vendosur të denoncojë dhe më pas të anullojë çdo koncesion apo tender që vjedh shqiptarët për llogari të Edi Ramës, Ministrave të tij dhe drejtorëve të tij.

Lufta me tolerancë zero ndaj korrupsionit është alternativa e Partisë Demokratike për të nxjerrë vendin  nga gremina ku e ka hedhur bashkeqeverisja e Edi Ramës me krimin dhe korrupsionin!

 

spot_img

Më shumë

spot_img
spot_img