Dy shtetas shqiptarë dhe një i tretë i huaj rezultojnë se janë pritësit e një ngarkese prej 500 kg kokainë që u kap dy vite më parë në fabrikën e kompanisë së kafes "Nespresso" në Zvicër. Newsbomb.al mëson ekskluzivisht se ata janë M.M dhe E.H, ky i fundit i dënuar dhe nga Gjykata e Tiranës.
Të dy këta shtetas shqiptarë janë me banim të rregullt në shtetin italian janë arrestuar për llogari të hetimeve të kryera nga Zyra e Prokurorit Publik të Vendit të Bazelit.
M.M është prangosur më 20 mars 2023 në shtëpinë e tij në Busto Arsizio, pranë Milanos, por ende nuk është ekstraduar, ndërsa i dyti E.H është arrestuar dhe ekstraduar tashmë në Bazel. Ai është lënë fillimisht i lirë, por nga hetimet e thelluara ka rezultuar i përfshirë.
Droga e zbuluar në fabrikën e "Nespresso" në Zvicër
Në maj të vitit 2022, informacioni i komunikuar nga policia kantonale e Friburgut bëri bujë: ndërsa shkarkonin kafenë që mbërrinte nga Brazili nëpërmjet Antwerp-it, punonjësit e fabrikës Nespresso në Romont bënë një zbulim të papritur. Të alarmuar nga gjurmët e pluhurit të bardhë, ata njoftuan policinë, e cila gjeti më shumë se 500 kg kokainë.
Kontejneri me kafe ku u zbulua sasia prej 500 kg kokaine, ne Zvicer
Megjithë hulumtimin e saj, Prokuroria Publike e Friburgut nuk i ka gjetur trafikantët që supozohej të merrnin këtë ngarkesë masive droge. Në shtator 2022, ata pezulluan hetimin. Por këtë të enjte, është zbuluar se Zyra e Prokurorit Publik të Vendit të Bazelit sapo ka identifikuar dhe arrestuar tre trafikantët që do të merrnin kokainën.
Kokaina e sekuestruar ishte 80% e pastër dhe kishte një vlerë të vlerësuar në rrugë prej afro 50 milionë euro (53 milionë dollarë; 43 milionë funte).
Hetuesit zviceranë nuk u dorëzuan
Hetuesit nga Basel-Landschaft janë interesuar për fakte shqetësuese që kanë ndodhur pak ditë para zbulimit të kokainës në fabrikën Romont, në komunën e Frenkendorf (BS) dhe më saktë në kompaninë Swissterminal AG. Ky i fundit operon një nga gjashtë terminalet e kontejnerëve në këtë vend logjistik në Zvicër.
Më 30 prill 2022, punonjësit e Swissterminal vunë re dy individë që endeshin midis kontejnerëve të grumbulluar para kompanisë. Njëri nga të dy arriti të arratisej mes shinave por një tjetër u arrestua. Ai ishte E.H, shtetas shqiptar me banim në Itali. Ai u tha policëve se po kalonte nëpër Zvicër dhe pretendonte se kishte dashur të gjente një rrugë të shkurtër për të marrë taksi.
Policia e Bazelit i mori me rezerva deklaratat e tij. Duhet thënë se disa muaj më parë, në natën e 2-3 shtatorit 2021, në një kontenier në të njëjtin vend ishin zbuluar 40 kilogramë kokainë 95% e pastër. E dhëna interesante: kontejneri ishte thyer dhe gjurmët e pluhurit të bardhë të përzier me kafe çuan në të njëjtin shteg.
Bindja e hetuesve se shqiptari po kërkonte drogën
Hetuesit konstatuan menjëherë se E.H në fakt kërkonte drogë. Dy kontejnerë me kafe kishin mbërritur vërtet në qendrën logjistike Frenkendorf më 28 prill 2022 nga Brazili. Kontejnerët janë kontrolluar, por hetuesit dolën bosh dhe E.H u lirua.
Kur dosjen e mori Prokuroria e Bazelit, hetuesit analizuan pamjet e kamerave nga Sëissterminal dhe zbuluan se katër individë u gjendën në disa raste në zonën e terminalit, midis 28 prillit dhe 1 majit 2022. Ata endeshin midis kontejnerëve, ndërsa të tjerët dukej se ishin në roje. Ata kanë ngritur dyshime nëse zbulimi i kokainës në Nespresso kishte një lidhje me këto vizita të natës në Frenkendorf.
Nje pjese nga sasia e droges qe zbuluan autoritetet ne Zvicer
Hetuesit e Bazelit janë të interesuar për itinerarin e kontejnerit të famshëm, përmbajtja e të cilit u dorëzua në Romont, me kodin MSKU3979536. Duke u nisur nga Antwerp, ai mbërriti me tren në magazinë Swissterminal më 28 prill në orën 14:44. Ajo u ngarkua në një kolonë tjetër të nesërmen dhe u transportua në fabrikën e Nespresso.
“Tre persona janë aktualisht në paraburgim si pjesë e hetimeve për zbulimin e 500 kilogramëve kokainë në një kompani të përpunimit të kafesë në Zvicrën frëngjishtfolëse”, Zyra e Prokurorit Publik të Basel-Landschaft
Sipas hetimit të Bazelit, gjithçka tregon se E.H dhe bashkëpunëtorët e tij që “shëtisnin” rreth zonës Sëissterminal po kërkonin pikërisht këtë kontejner të famshëm, por nuk e gjetën sepse ky kontejner i çmuar ishte larguar tashmë për në Romont përpara se ata të shkonin atje.
Nje pjese nga sasia e droges qe zbuluan autoritetet ne Zvicer
Ata gjetën ngjashmëri me zbulimin e 40 kilogramëve kokainë në shtator 2021. Dy importet mund të jenë vepër e të njëjtit grup kriminal. Për të identifikuar bashkëpunëtorët e E.H, hetuesit u mbështetën në imazhet e reja të vëzhgimit me video. Është identifikuar një makinë e dyshimtë. Një Peugeot i regjistruar në Appenzell Innerrhoden që lëvizte disa herë në zonën e logjistikës ato ditë. Makina është marrë me qira nga data 26 deri më 30 prill 2022 nga M.M, shtetas shqiptar me banim në Itali. Burri është filmuar brenda automjetit në shoqërinë e E.H.
Arrestohet i dyshuari në Itali
E.H është arrestuar në provincën e Breshias. Personi, i cili është dënuar edhe për kërcënim nga Gjykata e Tiranës në vitin 2017, ka tentuar të kundërshtojë ekstradimin e tij në Zvicër. Pa sukses. Zyra Federale e Drejtësisë (FOJ) konfirmoi se i dyshuari që atëherë ishte dorëzuar tek autoritetet e Bazelit. Nga ana tjetër, ekstradimi i M.M është më i vështirë. Me një kartë identiteti italiane, burri u arrestua më 20 mars 2023 në shtëpinë e tij në Busto Arsizio, pranë Milanos.
Autoritetet kërkuan informacion shtesë. Zyra e Prokurorit Publik Basel-Landschaft shpjegoi se si M.M u identifikua në zonën e logjistikës pak para zbulimit të kokainës. Këta elementë bindin përfundimisht Gjykatën e Apelit të Milanos, e cila vërtetoi kërkesën për ekstradim të M.M si dhe sekuestrimin e celularëve dhe kompjuterit të tij. Megjithatë, shqiptari i dytë ende nuk është ekstraduar.
Zyra e Prokurorit Publik të Basel-Landschaft ka deklaruar se tre persona, dy shqiptarë dhe një i huaj, janë aktualisht në paraburgim si pjesë e hetimit për “zbulimin e 500 kilogramëve kokainë në një kompani të përpunimit të kafesë në Zvicrën frëngjishtfolëse”.
© Newsbomb.al.
Nje pjese nga sasia e droges qe zbuluan autoritetet ne Zvicer
_124604390_mediaitem124604378
Nje pjese nga sasia e droges qe zbuluan autoritetet ne Zvicer
Kontejneri me kafe ku u zbulua sasia prej 500 kg kokaine, ne Zvicer
Sondazh
Lexo gjithashtu
