5 persona janë burgosur (tre italianë të moshës 20 dhe 23 vjeç dhe dy shqiptarë të moshës 20 dhe 22 vjeç) pasi kishin kryer një rrëmbim me qëllim zhvatje kundër një 17-vjeçari në zonën e Milanos.
Ndaj tyre ishte caktuar masa e ndalimit nga Prokuroria e Milanos dhe katër prej tyre tashmë ishin arrestuar, ndërsa i dyshuari i fundit u vu në gjurmët e ditëve të fundit në Tiranë falë bashkëpunimit të policisë shqiptare dhe ndodhet i ndaluar në pritje të ekstradimit në Itali.
Arrestimet e para u bënë më 14 gusht, të kryera nga policia pas denoncimit të një 17-vjeçari.
Ai ishte kërcënuar dhe grabitur më 9 gusht në një lokal. Dy ditë më vonë, pranë një picerie në Vaprio d'Adda. grupi kishte rrethuar edhe një herë djalin, i cili ndodhej në shoqërinë e një miku të tij dhe pasi i kishin dorëzuar paratë duke e kërcënuar, e kishin futur me forcë në një makinë, duke e urdhëruar t'u jepte edhe 1000 euro të tjera.
Më pas e liruan. Hetimet çuan në arrestimin e të pestëve: tre italianë u ndaluan menjëherë dhe u dërguan në burg, ndërsa një i dyshuar i katërt, një shqiptar, u vetëdorëzua në Monza disa ditë më vonë. Tani është arrestuar edhe i fundit.
Sondazh
Lexo gjithashtu
