4 vjet/ Rama pret familjarët e viktimave të “21 janarit”
Kanë kaluar katër vjet nga demonstrata e Partisë Socialiste në atë në kohë në opozitë, ku mbetën të vrarë përpara kryeministrisë katër protestues dhe ende sot nuk asnjë të dënuar për ngjarjen. Kryeministri Edi Rama do të presë sot familjarët e katër viktimave të cilët do të kujtojnë të afërmit e tyre që nuk jetojnë më.
Ndërkohë që është parashikuar edhe nje ceremoni e shkurtër përkujtimore.
Demonstrata e PS-së, në 21 janarin e katër viteve më parë u zhvillua pas publikimit të një video ku shfaqej në atë kohë ministri i Jashtëm, Ilir Meta dhe ministri i Ekonomisë, Dritan Prifiti, të cilët dyshoheshin se diskutonin për një aferë korruptive.
Videopërgjimi ishte xhiruar nga vetë ministri Prifiti dhe u bë publike më pas po nga vet ai pas largimit nga LSI.
Ndonëse ngjarja ku mbetën të vrarë katër persona nuk ka ende asnjë përgjegjës kjo nuk e ka penguar bashkëpunimin dy vjeçar të maxhorancës PS-LSI.