Një 33-vjeçar i cili drejtonte makinën nën efektin e alkolit dhe pa leje drejtimi, është përplasur me një automjet tjetër në aksin rrugor Elbasan-Librazhd. Mësohet se si pasojë e përplasjes, janë dëmtuar të dy drejtuesit e mjeteve të cilët u transportuan menjëherë në Spitalin Kirurgjik tw Elbasanit dhe ndodhen jashtë rrezikut për jetën. Policia e Elbasanit ka prangosur shtetasin: Pëllumb Berisha 33 vjeç, lindur në Elbasan, banues në Londër.
“Ky shtetas, u arrestua nga efektivat e policisë, pasi duke drejtuar mjetin e tij tip “Benz” veturë me targa AA 803 KC, në aksin rrugor Elbasan-Librazhd, në afërsi të fshatit Mengël, në gjëndje të dehur dhe i pa pajisur me leje drejtimi, është përplasur me mjetin tip “Ford” veturë, me targa AA 896 DA, drejtuar nga shtetasi M.C, 24 vjeç, banues në Elbasan.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” dhe “Drejtimi i automjetit në gjëndje të dehur dhe pa dëshmi”, bënë me dijë policia