Tirana
clear sky
34.5 ° C
34.5 °
34.5 °
36 %
2.6kmh
0 %
Hën
34 °
Mar
39 °
Mër
42 °
Enj
41 °
Pre
41 °
E hënë, 26 Korrik, 2021

“30 qershori” në “duart” e Komisionit të Venecias, gazetari kritika “Kushtetueses”: Vdiq ende pa lindur akoma, gjykatësit u frikësuan dhe shitën përgjegjësinë

spot_img
spot_img

Lajme të ngjashëm

Gjykata Kushtetuese vendosi ditën e djeshme t’i drejtohej Komisionit të Venecias përsa i ëprket çështjes së zgjedhjeve të 30 qershorit 2019, pasi kryebashkiakja e Shkodrës, Voltana Ademi kërkoi shpalljen e pavlefshmërisë së tyre.

Vendimi i Kushtetueses për këtë çështje do të merret pas këshillave nga Komisioni i Venecias, por pikërisht ky vendim i Gjykatës Kusjtetuese ka ngjallur debate në rrjet dhe reagime të shumta.

Gazetari Mentor Kikia me anë të një postimi në rrjetet sociale shprehet se kjo Gjykatë vdiq ende pa lindur akoma, pasi gjykatësit u frikësuan dhe e shitën përgjegjësinë e tyre. Sipas tij, ata kërkojnë alibi për vendimin që të thonë “kështu na tha Venecia”.

“Gjykata Kushtetuese e re vdiq ende pa lindur akoma

Gjykata Kushtetuese e Shqipërisë nuk mori dot vetë një vendim për çështjen e zgjedhjeve vendore. Ajo do të kërkojë opinionin, mendimin apo “vendimin” e Komisionit të Venecias.

Ky do të ishte vendimi i parë i madh i Gjykatës Kushtetuese të reformuar, të veting-uar. Por gjykatësit nuk patën kurajë të vendosnin vetë për një çështje me ngarkesë të madhe politike. Ata patën frikë, jo se nuk mundnin nga ana profesionale. Ata nuk mundën të thonë as “po” as “jo”, sepse do të gjykoheshin dhe sulmoheshin në të dyja rastet, sido të vendosnin. Ata u frikësuan, nuk donin telashe dhe e shitën përgjegjësinë. Edhe pse janë aty që të marrin vendime, edhe me kosto të larta, pa menduar se çfarë do të themi ne të tjerët.

Gjykata e re po bën atë që bëri e vjetra, duke iu drejtuar Venecias për çdo gjë, deri në çështjet apo vendimarrjet më ordinere për një gjykatë të këtij niveli.

Gjykatësit dështuan të ishin gjykatës. Ata kërkojnë alibi, kërkojnë mburojë, kërkojnë të mbrohen nga sulmet, duke thënë se ”kështu na tha Venecia”.

Shqipërisë i duhet një gjykatë që të jetë e zonja të marrë vendime, e jo të bëjë korrierin për ti kërkuar vendimet në Venecia”, shkruan Mentor Kikia.

LEXO EDHE: Voltana Ademi kërkoi paligjshmërinë 30 qershorit, Kushtetuesja PEZULLON gjykimin, do i drejtohet Komisionit të Venecias



Më shumë

spot_img
spot_img