Të paktën 130 shtëpi u dëmtuan për shkak të një serie tërmetesh të njëpasnjëshme në El Salvador, të cilët detyruan më shumë se dhjetë banorë të strehohen në qendrat e pritjes së tërmeteve.
Lajmin e kanë bërë me dije autoritetet e vendit të Amerikës Qendrore. Autoritetet folën për gjithsej 219 tërmete në disa orë..
Nuk u raportua për vdekje apo lëndime serioze , por tërmetet dëmtuan rreth 130 shtëpi dhe shkaktuan të paktën 20 rrëshqitje dheu , duke nxitur zyrtarët të vënë në gatishmëri komunitetet në rajonin e Ahuachapan, epiqendrën e aktivitetit sizmik.
"Ne po punojmë për të bërë një vlerësim të rrezikut të shtëpive" dhe "të plotësojmë nevojat e popullsisë", vuri në dukje Luis Amaya, drejtor i Mbrojtjes Civile të Salvadorit, gjatë një konference për shtyp.