Në përkujtim të katër viktimave të “21 janarit”, kryeministri Edi Rama ka premtuar nëpërmjet facebook-ut, drejtësi për tragjedinë e ndodhur katër vjet më parë perpara kryeministrise që ai sot drejton. Por me sa duket procesi i gjatë i kësaj çështje ka lodhur qytetarët, të cilët kanë kritikuar kryeministrin se përdor të njejtat fjalë çdo vit por pa bërë asgjë konkrete.
“Me familjarët e 21 janarit. Koha për të lëvizur me një alternative të re kërkimi të drejtësisë. Asgjë veç drejtësisë nuk e mbyll 21 janarin!”, ka qenë kjo deklarata e Ramës e cila ka nxitur reagimet e qytetarëve në profilin e tij.