Gjatë 24 orëve të fundit, në Maqedoninë e Veriut, janë shënuar 2 viktima nga COVID-19.
Ndërkohë numri i të infektuarve ka rënë pasi soti u raportuan 108 raste të reja.
Nga ana tjetër numri i të shëruarve ka qenë përsëri më i lartë, me 112 persona.
Kujtojmë se qeveria maqedonase ka marrë vendimin se nxënësit nga klasa e parë në të tretë do të zhvillojnë mësimin në shkollë, ndërsa të tjerët online.
Lajmin e ka bërë me dije ministri i Shëndetësisë Venko Filipçe. Ndër të tjera ai tha se edhe prindërve të nxënësve deri në klasë të tretë do t’u jepet edhe mundësia e zgjedhjes. Ata kanë të drejtë të kërkojnë që fëmijët e tyre mos të shkojnë në shkollë, por ta zhvillojnë mësimin online.