Presidenti i vendit Ilir Meta u ka bërë thirrje të rinjve, të cilët janë votues për herë të parë që të marrin pjesë masivisht në zgjedhjet e së dielës.
Përmes një postimi në Facebook, Kreu i Shtetit shprehet se pjesëmarrja e tyre në këto zgjedhe sipas tij është oksigjen për demokracinë dhe të ardhmen e vendit.
“Të dashur të Reja dhe të Rinj, të cilët votoni për herë të parë!
Shqipëria i ka sytë te Ju! Pjesëmarrja Juaj masive në zgjedhje dhe vota juaj më 25 Prill është oksigjen për demokracinë dhe të ardhmen e vendit. Është Ripërtëritja dhe Energjia, që i duhet Shqipërisë të prekur rëndë nga shpopullimi, për t’u ringritur dhe ecur drejt Europës.
Është vendosmëria për përkushtim ndaj vendit me pasion, integritet dhe dashuri !
Është e ardhmja juaj, në Shqipërinë tuaj”, shkruan Meta në Facebook.