Kreu i grupit parlamentar të PS-së Taulant Balla ka reaguar pasi BE, ka vendosur që t’i japë Shqipërisë një fond prej 180 milion eurosh, për të përballuar krizën e Covid 19.
Përmes një postimi në rrjetet sociale Balla i ka shprehur mirënjohjen BE-së për mbështetjen që i ka dhënën vendit tonë, teksa shkruan se beteja ndaj pandemisë nuk ka përfunduar.
Ndër të tjera Balla shkruan se BE dëshmon çdo moment se solidariteti është guri i themelit të familjes së madhe europiane.
“Mirënjohje Bashkimit Evropian për mbështetjen e dhënë prej 180 milion €, në vijim të bashkëveprimit për të limituar pasojat social-ekonomike të pandemisë COVID-19. Beteja ndaj pandemisë nuk ka përfunduar, prandaj duhet të jemi sëbashku për të zbutur sadopak efektet ekonomike dhe sociale të shkaktuara nga COVID-19. BE dëshmon çdo moment se solidariteti është guri i themelit të familjes së madhe europiane. Shqipëria mbetet e vendosur në realizimin e plotë të reformave që na bëjnë pjesë të kësaj familje,” shkruan Balla.