Policia e Milanos është vënë në alarm pas dy ngjarjeve të rënda të ndodhur në qytet mbrëmjen e djeshme.
Një 18 vjeçar shqiptar është goditur disa herë me thikë në bark dhe në shpinë në tramvajin e qytetit. Ngjarja ka ndodhur rreth orës 23:00, në stacionin Porta Ludovica. Shqiptari është transportuar me shpejtësi drejt spitalit, ku ndodhet edhe në gjendje kritike për jetën.
Po në Milano, rreth orës 22:30, gjysëm ore përpara se të sulmohej shqiptari, një tjerër i ri është plagosur me thikë në Piazza Sraffa. Bëhet fjalë për një 21 vjeçar nga El Salvadori, i cili ka mbetur i plagosur në fyt, pas përleshjes së dy grupeve rivale nga Amerika Latine.
Policia po heton nëse plagosja e shqiptarit dhe ajo e salvadorianit kanë lidhje me njëra-tjetrën.