Sot shënohen 78 vite nga çlirimi i kryeqytetit shqiptar nga pushtuesit nazifashistë në Luftën e Dytë Botërore.
Prej 7 prillit të vitit 1939 e deri në vjeshtë të vitit 1943, Shqipëria u pushtua nga Italia fashiste dhe pas kapitullimit të saj, u pushtua nga forcat gjermane deri në 29 nëntor të vitit 1944 kur u çlirua.
Në fund të nëntorit 1944, pas Çlirimit të Tiranës, më 17 nëntor dhe pjesës kryesore të Shqipërisë së Veriut, mbetej të çlirohej qyteti i Shkodrës dhe qarku i tij. Shkodra u çlirua më 29 nëntor të vitit 1944.
Gjatë Luftës së Dytë Botërore, Ushtria Nacionalçlirimtare e Shqipërisë zhvilloi kryengritje të armatosur kundër pushtimit të vendit.
Lufta për çlirimin e Tiranës kishte karakterin e luftës së vërtetë ballore, ku u dukën qartë shkalla e organizimit të Shtabit të Përgjithshëm UNÇSH, ku rol të veçantë për suksesin e operacionit luajti beteja e Mushqetasë.
Në luftën për çlirimin e Tiranës, një kontribut të çmueshëm dha populli i kryeqytetit, i cili i mbështeti fuqimisht të gjitha luftimet që u zhvilluan nëpër lagjet dhe rrugët e tij.