Prindërit e Alesia Prendit, 12-vjeçares shqiptare e cila humbi jetën tragjikisht teksa ishte duke luajtur me një lisharëse, kanë kërkuar nga autoritetet që të zbardhin ngjarjen e rëndë.
Sipas medieve italiane, babai nuk e beson ngjarjen e ndodhur dhe kërkon që autoritetet të hedhin dritë mbi këtë çështje.
Në vendin ku humbi jetën 12 vjeçarja, familjarët dhe komuniteti kanë vendosur qirinj dhe lule.
Prindërit e vogëlushes përjashtojnë çdo hipotezë për bullizëm, mirëpo babai ka shprehur çudi nga gjatësia e lakut me pozicionin e trupit që prek tokën e deri tek fakti që nëna, pavarësisht se ishte afër dhe e kishte parë disa minuta më parë, nuk ka dëgjuar asgjë, as një ulërimë.
Prokurori tashmë ka hapur një hetim për këtë çështje. Të shtunën trupi i pajetë i vogëlushes do të dërgohet në Shqipëri ku edhe do të varroset.